સ્લીપર સેલની એક્ટિવિટી અને સંલગ્ન લોકોની તપાસ માટે પોલીસ કામે લાગી

રાજ્યભરની એજન્સીઓ અલર્ટ બની

પાકિસ્તાનથી ગુજરાત આવી ભારતીય નાગરિકતા મેળવનાર વેપારી પાકિસ્તાન માટે જાસૂસી કરતો હતો. અમદાવાદ એરપોર્ટ પર ઉતરેલા ચાર આતંકવાદીઓ એરપોર્ટ બહાર નીકળે તે પહેલાં જ ઝડપાઇ ગયા. તેઓ કોઇ મોટી ઘટનાને અંજામ આપી શકે તે માટે પહેલેથી જ ચિલોડામાં હથિયાર ગોઠવાઇ ગયા હતા. સૌરાષ્ટ્રના ડ્રગ્સ પેડલરને ગુજરાત રાજસ્થાન બોર્ડર નજીક ડ્રગ્સ છુપાવવાના આદેશ મળે અને પછી ચોક્કસ ટુકડી ડ્રગ્સ દિલ્હી પહોંચાડી દેતી હોય છે. સુરતની મહિલા સહિત ચાર શંકાસ્પદ આતંકવાદીઓ સૌરાષ્ટ્ર- કચ્છ બોર્ડરથી હોડીમાં પાકિસ્તાન ભુજ પહોંચ્યા અને પકડાઇ ગયા. તેમના માટે બોટની વ્યવસ્થા થઇ ગઇ હતી.