தமிழக முதல்வரின் திராவிட மாடல் அரசு, மக்களுக்கு எல்லா வாய்ப்புகளையும் உருவாக்கித் தரக்கூடியது - கனிமொழி எம்பி பேச்சு

தூத்துக்குடி மாவட்டத்தில் பல்வேறு திட்ட பணிகளுக்கு நாடாளுமன்ற உறுப்பினர் கனிமொழி கருணாநிதி, சமூக நலன் மகளிர் உரிமைத்துறை அமைச்சர் கீதாஜீவன், மீன்வளம்மீனவர் நலன் மற்றும் கால்நடை பராமரிப்புத்துறை அமைச்சர் அனிதா ராதாகிருஷ்ணன், மாவட்ட ஆட்சியர் செந்தில்ராஜ் ஆகியோர் முன்னிலையில் அடிக்கல் நாட்டினார்.

தூத்துக்குடி, ஜன. 23

சாயர்புரம் தேர்வுநிலை பேரூராட்சியில் ரூ.1.67 கோடி மதிப்பீட்டில் புதிய பேருந்து நிலையம் கட்டுவதற்கு அடிக்கல் நாட்டி கனிமொழி எம்பி தெரிவித்ததாவது: மக்களுக்கு தேவையான வசதிகளை செய்து தருவதற்கு அரசுக்கு கடமை இருப்பதுபோல் சாயர்புரம் பகுதியை சேர்ந்த மக்களும் தங்களுக்கு தேவையான வசதிகளை பூர்த்தி செய்து கொள்வதற்கு முயற்சியே ஈடு  இருக்கிறார்கள். அரசுடன் இணைந்து மக்கள் ஒரு வேலையை செய்யும்போது மகிழ்ச்சியாக உள்ளது. ஏரல் பள்ளியினை கட்டுவதற்கான பணிகள் விரைவில் தொடங்கப்படும். இப்பகுதியில் உள்ள குளத்தினை தூர்வாற வேண்டும் என்ற விவசாயிகளின் கோரிக்கை நிறைவேற்றி தரப்படும். மாவட்ட நிர்வாகம் மற்றும் மக்கள் பிரதிநிதிகள் உங்களது தேவைகளை நிறைவேற்றி தருவதற்கு தயாராக உள்ளனர். தமிழ்நாடு முதலமைச்சரின் திராவிட மாடல் அரசு என்பது மக்களுக்கான அரசு. மக்களுக்கான கோரிக்கைகளை புரிந்துகொண்டு மக்களுக்கு எல்லா வாய்ப்புகளையும் உருவாக்கித் தரக்கூடிய அரசு என தெரிவித்தார்.