பட்டு வளர்ச்சித்துறை மூலம் சவால்களை சாதனையாக்கி வெற்றியுடன் திகழ உதவிய முதல்வர்

தென்காசி மாவட்ட பயனாளிகள் நெஞ்சார்ந்த நன்றி

'தள்ளா விளையுளும் தக்காரும் தாழ்விலாச் செல்வரும் சேர்வது நாடு '

என்ற குறளுக்கு குறையாத உற்பத்தியைத் தரும் உழைப்பாளர்களும், அற உணர்வு உடையவர்களும், சுயநலம் இல்லாத செல்வரும் சேர்ந்து வாழ்வதே நாடு என்னும் வள்ளுவன் வாக்கிற்கிணங்க தமிழ்நாடு முதலமைச்சர் அனைத்துத் தரப்பு மக்களையும் ஊக்குவிக்கும் வகையிலும் தமிழகத்தின் வளர்ச்சியை மேம்படுத்தும் நோக்கத்திலும் பல்வேறு திட்டங்களை அறிவித்து செயல்படுத்தி வருகிறார்கள்.

தென்காசி மாவட்டத்தில் பட்டு வளர்ச்சித்துறையின் மூலம் கடந்த 2021-2022ஆம் ஆண்டில் மாநிலத்திட்டத்தில் மல்பெரி நடவு மானியமாக ஏக்கர் ஒன்றுக்கு ரூ.10,500 வீதம் 150 ஏக்கர் 83 விவசாயிகளுக்கு ரூ.15.75 லட்சம், நவீன பட்டுப்புழு வளர்ப்பு மனை மானியமாக மனை ஒன்றுக்கு ரூ.1,20,000 8 விவசாயிகளுக்கு ரூ.9.60 லட்சம், புழு வளர்ப்பு தளவாடங்கள் ஒன்றுக்கு ரூ.52,500 வீதம் 39 பயனாளிகளுக்கு ரூ.20.47 லட்சம், பட்டுப்புழு வளர்ப்பில் ஈடுபட்டுள்ள முன்னோடி விவசாயிகளுக்கு ரூ.35,000 வீதம் 4 முன்னோடி விவசாயிகளுக்கு ரூ.1.40 லட்சம் மதிப்பில் பவர் டில்லர் வழங்கப்பட்டுள்ளது. மேலும், 2021-2022ஆம் ஆண்டில் மாவட்ட அளவில் மூன்று சிறந்த பட்டு விவசாயிகளுக்கு முதல் பரிசு ரூ.25,000, இரண்டாம் பரிசு ரூ.20,000 மற்றும் மூன்றாம் பரிசு ரூ.15,000 வழங்கப்பட்டுள்ளது.