மக்களைத்தேடி மருத்துவ திட்டத்தின் மூலம் மலைவாழ் மக்களின் இல்லத்திற்கே சென்று துயரங்களை துடைக்கும் அரசு

முதல்வருக்கு தருமபுரி மாவட்ட பயனாளிகள் புகழாரம்

மக்களைத் தேடி மருத்துவம்" எனும் வரலாற்று சிறப்புமிக்க திட்டத்தின் மூலம் மக்களின் இல்லங்களுக்கே சென்று அவர்களின் துயரங்களை துடைக்கும் அரசாக தமிழ்நாடு முதலமைச்சர் தலைமையிலான அரசு திகழ்கிறது.

தருமபுரி மாவட்டத்தில் 'மக்களைத் தேடி மருத்துவம்" திட்டத்தின் மூலம் பயனடைந்து வரும் பயனாளிகள் பாராட்டு தெரிவித்துள்ளார்கள்.

தமிழ்நாடு அரசின் மருத்துவம் மற்றும் மக்கள் நல்வாழ்வு துறையின் "மக்களைத் தேடி மருத்துவம்" என்ற மகத்தான திட்டத்தை தமிழ்நாடு முதலமைச்சர் மு.க.ஸ்டாலின் கடந்த 05.08.2021 அன்று துவக்கி வைத்தார்கள். இதனை தொடர்ந்து, தருமபுரி மாவட்டம், காரிமங்கலம் ஒன்றியம், தும்பலஅள்ளியில் உள்ள இலங்கை அகதிகள் முகாமில் மாண்புமிகு தமிழ்நாடு முதலமைச்சர் 'மக்களை தேடி மருத்துவம்" என்ற சிறப்பான திட்டத்தினை மாவட்ட ஆட்சித்தலைவர் துவக்கி வைத்தார்கள்.

இத்திட்டத்தின் ஒரு பகுதியாக முதலமைச்சர் தமிழ்நாடு பயனாளிகளின் வீட்டிற்கே சென்று தொற்றா நோய்களுக்கான மருந்து பெட்டகத்தை வழங்கி, நோயாளியின் வீட்டிற்கு சென்று அவருக்கு தேவையான இயன் முறை சிகிச்சை சேவையினை பார்வையிட்டு ஊக்கப்படுத்தினார். இதனைத் தொடர்ந்து, நோயாளிகளின் வீட்டிற்கே நேரில் சென்று சேவை அளிப்பதற்கான வாகனங்களை இத்திட்டத்தின் கீழ் துவக்கி வைத்தார்.