புதுச்சேரி மத்திய பல்கலையில் தேசிய கல்விக் கொள்கை அமல் தாய் மொழியில் கல்வி கற்க முக்கியத்துவம்-துணைவேந்தர் குர்மீத் சிங் அறிவிப்பு

புதுச்சேரி மத்திய பல்கலைக் கழகம் மற்றும் அதன் இணைப்பு கல்லூரிகளில் இந்த கல்வியாண்டு முதல் தேசிய கல்விக் கொள்கை அமல்படுத்தப்படும் என்று பல் கலைக்கழக துணைவேந்தர் குர்மீத் சிங் கூறினார்.

இதுகுறித்து புதுவை மத்திய பல்கலைக்கழகத்தில் செய்தியாளர் சந்திப்பில் அவர் கூறியதா வது, நாட்டில் அனைத்து மத்திய பல்கலைக்கழகங்களிலும் இந்த கல்வி ஆண்டு முதல் (2023-24) தேசியக் கல்விக் கொள்கை செயல் படுத்தப்படுகிறது. அதன்படி, புதுவை மத்திய பல்கலைக்கழகம், அதைச் சார்ந்த 101 இணைப்பு கல்லூரிகளிலும் தேசியக் கல்விக் கொள்கை செயல்படுத்தப்படும். இதில் தாய் மொழியில் கல்வி கற்க முக்கியத்துவம் அளிக்கப்படும். அத னுடன் 4 புதிய ஒருங்கிணைந்த பாடங்களும் அறிமுகம் செய்யப்பட்டுள்ளது.

இளங்கலை படிப்புகள் என்பது இனி 4 ஆண்டுகள் ஆகும். ஆனால் அதில் சேருவோர் விரும்பும் நேரத் தில் வெளியேறலாம். ஓராண்டு படித்து முடித்து வெளியேறினால் சான்றிதழ் பெற அனுமதிக்கப் படுகிறது. பொருளாதார பிரச் சனை, உடல்நலம் உள்ளிட்ட ஏதே னும் ஒரு காரணத்திற்காக பாதியில் படிப்பை நிறுத்தும் மாணவர்கள் தங்கள் விருப்பப்படி அல்லது வசதிக்கேற்ப ஏதேனும் ஒரு பல் கலையில் சில ஆண்டுகள் கழித்து கூட படிப்பை தொடரலாம்.