சுதந்திர போராட்டத்தில் புதுச்சேரியின் பங்கு அதிக அளவில் இருந்துள்ளது

கவர்னர் தமிழிசை பெருமிதம்

புதுவையில் என் மண், என் தேசம் இயக்கம் மூன்று நிகழ்வாக நடந்தது. முதல் நிகழ்வாக கடந்த ஆகஸ்ட் 9ம் தேதி தொடங்கி 15ம் தேதி வரை 108 கிராம பஞ்சாயத்து அளவிலும், இரண்டாம் கட்டமாக ஆகஸ்ட் 16ம் தேதி முதல் 20ம் தேதி வரை 5 நகராட்சிகள், மூன்று வட்டார அளவிலும் நிகழ்வுகள் நடத்தப்பட்டது.

மூன்றாவது கட்டமாக ஆகஸ்ட் 18ம் தேதி 108 கிராம பஞ்சாயத்துக்கள், 5 நகராட்சிகளில் சேகரிக்கப்பட்ட புனித மண் அமிர்த கலசங்கள், மரக்கன்றுகள், செடி ஆகியவை எடுத்து வரப்பட்டு அவற்றை ஒன்றாக கலந்து அதில் மரக்கன்றுகள் நட்டு மாநில அளவில் அமிர்த பூங்காவனம் பாரதி பூங்காவில் அமைக்கப்பட்டது.

இரண்டாம் நிகழ்வாக இல்லம் தோறும் ஒரு பிடி மண், ஒரு பிடி அரிசி தானமாக பெறப்படும் நிகழ்ச்சி 139 கிராமத்திலும், 108 கிராம பஞ்சாயத்திலும், 5 நகராட்சியிலும் செப்டம்பர் 1ம் தேதி முதல் 30ம் தேதி வரை நடந்தது.