10 படுக்கைகள் கொண்ட ஐ.சி.யூ., திட்டம் கவர்னர், முதலமைச்சர் துவக்கி வைத்தனர்

புதுச்சேரி சுகாதார மற்றும் குடும்ப நலத்துறை, இ கவர்மெண்ட்ஸ் அறக்கட்டளையுடன் இணைந்து புதுச்சேரியில் 10 படுக்கைகள் கொண்ட ஐ.சி.யூ., திட்ட துவக்க விழா மற்றும் தொலைதூர ஐ.சி.யூ.மையத்தின் சிறப்பு விழா கதிர்காமம் இந்திரா காந்தி அரசு மருத்துவக் கல்லூரி மருத்துவமனையில் நேற்று நடந்தது.

கவர்னர் தமிழிசை சௌந்தரராஜன், முதலமைச்சர் ரங்கசாமி ஆகியோர் 10 படுக்கைகள் கொண்ட ஐ.சி.யூ., திட்டத்தை துவக்கி வைத்து, தொலைதூர ஐ.சி.யூ., மையத்தினை திறந்து வைத்தனர். சபாநாயகர் செல்வம், அமைச்சர் லட்சுமி நாராயணன், அரசு கொறடா ஏ.கே.டி.,ஆறுமுகம், கே.எஸ்.பி., ரமேஷ் எம்.எல்.ஏ., அரசு செயலர் முத்தம்மா, சுகாதாரத்துறை இயக்குனர் ஸ்ரீராமுலு மற்றும் மருத்துவ அதிகாரிகள் கலந்துகொண்டனர்.