முதல்வரை தன்னிசையாக செயல்படவிட்டால் மீண்டும் காமராஜர் வீடு கட்டும் திட்டம் முழுமையாக செயல்படுத்தப்படும் : புதுச்சேரி முன்னாள் அமைச்சர் நாஜிம் கருத்து

புதுச்சேரி முதல்வரை தன்னிசையாக செயல்படவிட்டால், மீண்டும் காமராஜர் வீடு கட்டும் திட்டம் முழுமையாக செயல்படுத்தப்படும் என, புதுச்சேரி முன்னாள் அமைச்சர் நாஜிம் எம்.எல்.ஏ தெரிவித்துள்ளார்.

புதுச்சேரி முன்னாள் அமைச்சரும், காரைக்கால் தெற்கு தொகுதி சட்டமன்ற உறுப்பினரு மான நாஜிம் இது குறித்து, நேற்று பத்திரிக்கையாளர்களுக்கு பேட்டி அளித்தபோது கூறியதாவது: புதுச்சேரியில் குடிசை இல்லா மாநிலம் ஆக்க காமராஜர் வீடு கட்டும் திட்டம் கொண்டுவரப்பட்டது. ஆனால் இது அண்மையில் பிரதமர் வீடு கட்டும் திட்டமாக மாறி ஏகப்பட்ட குளறுபடிகள் நடைபெற்று வருகின்றன .

முதல்வரை பாஜனதாவினர் மிரட்டி வருகின்றனர். எனவே இந்த வீடு கட்டும் திட்டத்தில் புதுச்சேரி அரசுதான் அதிக தொகை வழங்குகிறது. மத்திய அரசு குறைவான தொகை தான் வழங்குகிறது. எனவே முதல்வரை தன்னிசையாக செயல்படவிட்டால் மீண்டும் காமராஜர் வீடு கட்டும் திட்டம் முழுமையாக செயல்படுத் தப்படும். அப்படி முழுமையாக செயல்படுத்தினால் தான் காரைக்கால் மற்றும் புதுச்சேரியில் குடிசை இல்லா மாநிலமாக மாறும்.

காரைக்கால் மாவட்டத்தில் உள்ள காலி பணியிடங்களை காரைக்காலில் உள்ளவர்களைக் கொண்டே நிரப்ப வேண்டும் என்பது திமுகவினரின் கருத்து.

ஆனால் அதை அரசு நிறைவேற்ற தவறி வருகிறது. இதனால் காரைக்காலில் வேலை வாய்ப்பு மிகவும் குறைவாக உள்ளது.