தேசிய ஊட்டச்சத்து மாத விழா உணவுப்பொருட்கள் கண்காட்சி

தேசிய ஊட்டச்சத்து மாத விழாவினை முன்னிட்டு சேலம் மாவட்ட ஆட்சியரகத்தில் அமைக்கப்பட்டிருந்த பொருட்கள் கண்காட்சி உணவுப் பொருட்களை மாவட்ட ஆட்சித்தலைவர் டாக்டர் இரா. பிருந்தாதேவி தொடங்கி வைத்தார்.

பின்னர், மாவட்ட ஆட்சித்தலைவர் தெரிவித்ததாவது: தேசிய ஊட்டச்சத்து மாதமாக செப்டம்பர் 1 முதல் 30 வரை கொண்டாடப்படுகிறது. "ஊட்டச்சத்து நிறைந்த இந்தியா, படித்த இந்தியா, அதிகாரமளிக்கப்பட்ட இந்தியா" என்ற கருப்பொருளை மையமாகக் கொண்டு நாடு முழுவதும் ஊட்டச்சத்து புரிதலை வளர்ப்பதே இதன் நோக்கமாகும். இதனை அடைய, சமூக நலன் மற்றும் சத்துணவுத் திட்டத்துறையின் ஒருங்கிணைந்த குழந்தை வளர்ச்சிப் பணிகள் திட்டத்தின் கீழ், கர்ப்பிணிப் பெண்கள், பாலூட்டும் தாய்மார்கள், வளரிளம் பெண்கள் மற்றும் 6 வயதிற்குட்பட்ட குழந்தைகளுக்கான ஊட்டச்சத்துகளை மேம்படுத்துவதில் முன்னோடி முயற்சியாக ஊட்டச்சத்துத் திட்டம் செயல்படுகிறது.