முன்னாள் முதலமைச்சர் எம்.டி.ஆர்.ராமச்சந்திரன் மரணம்

கவர்னர், முதலமைச்சர், அமைச்சர்கள் இரங்கல்

புதுச்சேரி முன்னாள் முதல் அமைச்சர் எம்.டி.ஆர். ராமச்சந்திரன் மரணமடைந்தார். இதையொட்டி கவர்னர் கைலாஷ்நாதன், முதல் அமைச்சர் ரங்கசாமி இரங்கல் தெரிவித்துள்ளார்.

புதுச்சேரி முன்னாள் முதலமைச்சர் எம்.டி.ஆர். ராமச்சந்திரன் (வயது 91).

உடல்நலக்குறைவு காரணமாக கடந்த சில நாட்களுக்கு முன்பு சென்னையில் உள்ள காவேரி மருத்துவமனையில் அனுமதிக்கப்பட்டார். இந்த நிலையில் நேற்று மாலை அவர் மரணம் அடைந்தார்.

அவரது உடல் இன்று (திங்கட்கிழமை) மடுகரையில் உள்ள அவரது இல்லத்தில் பொதுமக்கள் அஞ்சலிக்காக வைக்கப்படும். இன்று மாலை 4 மணிக்கு இறுதி ஊர்வலம் நடைபெறும். தொடர்ந்து அவர் உடல் தகனம் செய்யப்பட உள்ளது.

3 நாள் துக்கம் அனுசரிப்பு
இவர் தி.மு.க. சார்பில் கடந்த 1980-1983ம் ஆண்டு வரை, 1990-1991ம் ஆண்டு வரை 2 முறை முதலமைச்சராக இருந்துள்ளார். 2001-2006ம் ஆண்டு வரை சபாநாயகராக பதவி வகித்துள்ளார்.

புதுவை சட்டசபையில் அமைச்சராகவும் அலங்கரித்துள்ளார். தற்போது அவர் காங்கிரஸ் கட்சியின் துணைத் தலைவராக இருந்தார் என்பது குறிப்பிடத்தக்கது.