கைத்தொழிலில் ஈடுபடும் பெண்களுக்கு மானியத்துடன் கடன் வசதி அளிக்க கோரிக்கை

தன்னம்பிக்கை ஏற்படுவது மட்டுமின்றி பொருளாதார ரீதியாக முன்னேற்றம் காண்பதாக பெண்கள் வர மகிழ்ச்சி.

பள்ளிகளில் கைத்தொழில் பாடப்பிரிவுகளை மீண்டும் கொண்டு வர வேண்டும், கைத்தொழில் ஈடுபடும் பெண்களுக்கு மானியத்துடன் கடன் வசதி அளிக்க அரசு நடவடிக்கை எடுக்க கோரிக்கை வைத்துள்ளனர்.

கைத்தொழில் ஒன்றைக் கற்றுக்கொள், கவலை உனக்கில்லை என்ற வார்த்தைக்கேற்ப எல்லாகாலத்திலும் கைத்தொழில் என்பது வாழ்வாதாரத்திற்கு கைகொடுத்துக் கொண்டுதான் இருக்கிறது. அதிலும் குறிப்பாக பெண்களுக்கு அதிகளவில் வேலைவாய்ப்பு வழங்கி பொருளாதாரத்தை மேம்படுத்தி வருகிறது. அந்த வகையில், தற்போது தமிழ்நாட்டில் டிரெண்டாக இருக்கும் வேலைகளில் ஆரி வேலைப்பாடும் ஒன்று. வீட்டில் இருந்தபடியே, குடும்ப தலைவிகளால் செய்ய முடிந்த வேலை என்பதால் இது வைரலாகி இருக்கிறது.

அதேபோல, ஆரி வேலைப்பாடுகள் அடங்கிய பிளவுஸ் அணியும் பழக்கமும் தமிழ்நாட்டு பெண்களிடையே அதிகரித்திருக்கிறது. கோவில் திருவிழா, திருமணம், குடும்ப விழாக்கள், பண்டிகைகள் என எல்லா கொண்டாட்ட நிகழ்வுகளிலும், ஆரி வேலைப்பாடு அடங்கிய பிளவுஸ் மற்றும் ஆடைகள் அணியவே பெண்கள் ஆசைப்படுகிறார்கள். இப்படி அதிக தேவை இருக்கும் ஆரி தொழில்மூலமாக ஏழை குடும்ப தலைவிகளுக்கு புதிய வருமானத்தை ஏற்படுத்திக் கொடுத்து வருகிறது.