મહિલા અનામત બિલ રાજ્યસભામાં પણ પસાર

તમામ 215 સભ્યોનું તરફેણમાં મતદાનઃ બિલને સંસદના બંને ગૃહોની બહાલી

લોકસભા અને રાજયોની વિધાનસભામાં મહિલાઓને 33 ટકા અનાતમની  જોગવાઈ કરતાં ‘નારી શક્તિ વંદન અધિનિયમ' લાંબી ચર્ચા પછી રાજ્યસભામાં પણ સર્વસંમતિથી પસાર થવાની સાથે તેને હવે સંસદના બંને ગૃહોની ઐતિહાસિક બહાલી મળી ગઈ છે. ગુરુવારે રાજ્યસભામાં આશરે રાત્રે 10 વાગ્યા મતદાન થયું હતું. તમામ 215 સભ્યોએ તેને તરફેણમાં મતદાન કર્યું હતું. તેની વિરુદ્ધમાં એકપણ મત પડ્યો ન હતો.

અગાઉ રાજ્યસભામાં ચર્ચા દરમિયાન વિપક્ષના સભ્યોએ નવી વસ્તી ગણતરી અને સીમાંકન કવાયતની રાહ જોવાને બદલે આ પ્રક્રિયાને વેગ આપવાની જરૂરિયાત દર્શાવી હતી. JD(U)ના રામનાથ ઠાકુરે ‘નારી શક્તિ વંદન અધિનિયમ' લાવવાના સમય પર સવાલ ઉઠાવ્યા હતાં. ભારત રાષ્ટ્ર સમિતિ (BRS) સાંસદ કે કેશવ રાવે મહિલા અનામત માટેની પ્રક્રિયાને વેગ આપવાની જરૂરિયાત પર ભાર મૂકીને કહ્યું કે હતું કે 2011ની વસ્તી ગણતરીને માપદંડ તરીકે લઈ શકાય છે.