મીઠાના મુવાડાની પ્રા.શાળામાં આચાર્યને બદલવા વાલીઓએ મોરચો માંડતાં અધિકારીઓમાં દોડધામ

ઝાડ વેચી હિસાબ નહિ આપતાં, કૂલર બંધ રાખતા હોવા અને મોટર લઈ ગયા હોવાના આચાર્ય ઉપર આક્ષેપ કરાતા ભારે વિવાદ

ગળતેશ્વર તાલુકાના મીઠાના મુવાડા ગામની પ્રાથમિક શાળાના આચાર્ય ની વિરૂધ્ધમાં ગ્રામજનો અને વાલીઓએ વારંવાર રજૂઆતો કરવા છતા કોઇ જ કાર્યવાહી કરવામાં ના આવતા વાલીઓએ શાળાને ઘેરાવો કરીને તાળાબંધી કરવાની ચિમકી ઉચ્ચારતાં જિલ્લાનું તંત્ર દોડતુ થયુ હતુ. તેમજ આ બાબતે તાત્કાલિક તાલુકા શિક્ષણાધિકારીને મોકલીને પ્રશ્નનો ઉકેલ લાવવા માટેની કાર્યવાહી આરંભી હતી. પરંતુ મામલો ઉકેલાયો નહતો.