સુરતમાં 80 હજાર ગણેશ પ્રતિમાના વિસર્જન માટે 15 હજાર પોલીસ-સુરક્ષા જવાનોનો કાફલો તૈનાત

SRPની 12, RAFની 1, BSFની એક ટૂકડી, 16 SP, 35 ASP. 106 PI, 205 PSI સહિત ખડેપગે રહેશે

મુંબઈ પછી દેશમાં સૌથી વધુ મોટાપાયે ગણેશોત્સવનું આયોજન સુરતમાં થાય છે. આ વર્ષે 80 હજાર ઉપરાંત પ્રતિમાઓ સ્થાપિત કરાઈ છે. ગુરુવારે વિસર્જન પ્રક્રિયા નિર્વિઘ્ને સંપન્ન થાય તે માટે પાલિકાએ તાંત્રિક તૈયારી કરી છે અને શહેર પોલીસે સુરક્ષા માટેની તડામાર તૈયારી કરી છે.  અધિકારીઓ અને જવાનો મળીને 15હજાર સુરક્ષા જવાનોનો કાફલો શહેરભરમાં ખડકી દેવાયો છે.