1800 સરકારી એમ્બ્યુલન્સ 108 સેવા હેઠળ મૂકાશે

નિર્ણય: સ્માર્ટ રેફરલ એપ સાથે જોડાશે, ક્રિટિકલ દર્દીની સ્થિતિ અંગે એમ્બ્યુલન્સ-હોસ્પિટલને રિટયલ ટાઇમ અપડેટ મળશે ક્રિટિકલ કેર, ન્યૂરો કે હાર્ટ સર્જન, ગાયનેક, લોહીની ઉપલબ્ધિ અંગે એમ્બ્યુલન્સને તાજી સ્થિતિ મળતી રહેશે, જેથી દર્દીને કઇ હોસ્પિટલ લઇ જવો તે ઝડપથી નક્કી થશે

ગુજરાત માંહવે અંતરિયાળ વિસ્તારોમાં ઝડપથી ૧૦૮ એમ્બ્યુલન્સસેવા ઉપલબ્ધ થાય અને અદ્યતન સુવિધાઓથી સજ્જ હોસ્પિટલોમાં પહોંચાડી માનવ જિંદગી બચાવી શકાય એના પ્રયાસના ભાગરૂપે મુખ્યમંત્રી ભૂપેન્દ્ર પટેલના નેતૃત્વ હેઠળની સરકાર એક મહત્વનું પગલું ભરવા જઇ રહી છે. હાલ ૧૦૮ એમ્બ્યુલન્સ સેવાના રાજ્યભરમાં વ્યાપ હોવાના કારણે આઇડલ રહેતી સરકારી હોસ્પિટલો, સબ હોસ્પિટલોની ૧૮૦૦ જેટલી એમ્બ્યુલન્સને ૧૦૮ સેવા હેઠળ આવરી લેવાશે. આની સાથોસાથ હાલ  સરકારે સ્માર્ટ રેફરલ એપ થકી સરકારી હોસ્પિટલો, સબ હોસ્પિટલો ને આવરી લેવાનો નિર્ણય કર્યો છે.