કેન્દ્રએ ‘મની બિલ’ના કેસને પ્રાથમિકતા આપવાની માંગનો સુપ્રીમ કોર્ટમાં વિરોધ કર્યો

સમીક્ષા: રાજકીય અનિવાર્યતાને આધારે સુનાવણીની પ્રાથમિકતા નક્કી ન કરાયઃ સોલિસિટર જનરલ આધાર, PMLA જેવા કાયદાને મની બિલ તરીકે પસાર કરવાનો મામલો

કેન્દ્ર સરકારે સુપ્રીમ કોર્ટમાં ‘મની બિલ' સંબંધી અરજીઓની સુનાવણીને પ્રાથમિકતા આપવાની માંગનો વિરોધ કર્યો છે. કેન્દ્રએ સ્પષ્ટપણે જણાવ્યું હતું કે, રાજકીય અનિવાર્યતાને આધારે કેસની સુનાવણીની પ્રાથમિકતા નક્કી કરી શકાય નહીં. અરજીમાં આધાર એક્ટને મની બિલ તરીકે પસાર કરવાની કાયદેસરતાનો મામલો સામેલ છે. કેન્દ્ર સરકાર વતી સોલિસિટર જનરલ તુષાર મહેતાએ સુપ્રીમ કોર્ટની બેન્ચને ‘મની બિલ’ અંગેની અરજીઓને સુનાવણીમાં પ્રાથમિકતા નહીં આપવા જણાવ્યું હતું. જ્યારે કપિલે આવા કેસની વહેલી સુનાવણીની માંગ કરી હતી.