મારી માટી, મારો દેશઃ રાજ્યભરના માટી કળશ આજે રિવરફ્રન્ટ પર એકત્રિત કરાશે

CM ભૂપેન્દ્ર પટેલ અને પ્રદેશ ભાજપ પ્રમુખ સી.આર.પાટીલની ઉપસ્થિતિમાં કાર્યક્રમ 6 ઓક્ટોબરથી આરંભાયેલા અભિયાનના મંડળ સ્તર સુધી કાર્યક્રમ યોજાયા રિવરફ્રન્ટ ખાતે અંદાજે 1.30 લાખ કાર્યકરો એકત્રિત થશે

રાજ્યભરમાં ૬ ઓક્ટોબરથી શરૂ થયેલા ‘મારી માટી, મારો દેશ' કાર્યક્રમનું શુક્રવારે સાંજે ૫ વાગે અમદાવાદમાં રિવરફ્રન્ટના વલ્લભસદન ખાતે સમાપન થવા જઇ રહ્યું છે. તમામ ૧૮૨ વિધાનસભા વિસ્તારો, આઝાદીની ચળવળના મહત્ત્વના સ્થળો, આઝાદ સંગ્રામના સ્થળો ખાતેથી એકતત્રિત કરાયેલી માટીના ૭૫ કુંભને ૨૭ ઓક્ટોબરના રોજ પ્રદેશ પ્રમુખ સી.આર. પાટીલ અને મુખ્યમંત્રી ભૂપેન્દ્ર પટેલ સ્વીકાર કરશે. ૨૯મીએ આ તમામ કળશને ૭૫ ઇલેક્ટ્રિક વાહનોમાં દિલ્હી રવાના કરાશે.