પ્રભાતસિંહ ચૌહાણની વિદાયઃ સરપંચથી સંસદસભ્ય સુધીની યશસ્વી કારકિર્દી

ભાજપના બાહુબલી નેતા ગણાતા હતાઃ 2009ની ચૂંટણીમાં તેમણે શંકરસિંહ વાઘેલાને હરાવ્યા હતા

પંચમહાલ વિધાનસભા બેઠકના ભાજપના પૂર્વ ધારાસભ્ય અને પંચમહાલ જિલ્લા લોકસભા બેઠકના પુર્વ સાંસદ પ્રભાતસિંહ ચૌહાણનું ૮૩વર્ષની વયે પાછલા દિવસોમાં ટુંકી માંદગીને અંતે ગુરુવારે બપોરે નિધન થતાં રાજકીય મોરચે શોક છવાયો હતો. કાલોલ વિધાનસભા બેઠક પર પાંચ વખત ધારાસભ્ય અને ગોધરા લોકસભા બેઠકના બે વખત સાંસદ તરીકેની પંચમહાલ જિલ્લામાં સૌથી લાંબી અને પ્રભાવી રાજકીય કારકિર્દી ધરાવતા પ્રભાતસિંહ ચૌહાણ તેમની મૂછોને આગવા અંદાજમાં તાવ આપતા બાહુબલી નેતા તરીકેની છાપ ધરાવતા હતા.