સિંહોના સંરક્ષણ માટે ગીર વિસ્તારમાં રેલ લાઇન એલિવેટેડ બનાવવા સૂચના

શેત્રુંજી અને ભાવનગરના વિસ્તારોમાં પણ કન્ઝર્વેશન એરિયા નોટિફાઇડ કરાશે Lion@2047 : પ્રોજેક્ટ લાયન કમિટીએ રેલવે મંત્રાલયને રેલવે લાઇન અંગે સૂચના આપી

ગીર અભયારણ્ય અને આસપાસના વિસ્તારોમાંથી પસાર થતી રેલવે લાઇનથી અવારનવાર સિંહ કપાઇ જવાના કે ઇજાગ્રસ્ત થવાની ઘટના ઓને નિવારવા હવે રેલવે મંત્રાલયે એલિવેટેડ રેલવે ટ્રેક નાખવા પ્રોજેક્ટ લાયન કમિટીએ સૂચના આપી છે. ગુરુવારે સાસ ખાતે મળેલી કમિટીની બેઠકમાં સિંહોના સંવર્ધન અને સંરક્ષણ માટે કેટલાક અન્ય પ્રોજેક્ટ્સને મંજૂરી આપી છે. ખાસ કરીને એશિયાટિ સિંહે કેટલાય સમયથી ગીર સોમનાથ ઉપરાંત જુનાગઢ, અમરેલી અને ભાવનગરમાં પોતાના નવા રહેઠાણો વિકસાવ્યા છે ત્યારે અહીં એમને અનુકૂળ પર્યાવરણ અને માળખાકીય સુવિધા ઊભી કરવા વિચારણા કરવામાં આવી હતી.