નવા વર્ષના પ્રારંભે યાર્ડોમાં મગફળી, કપાસની ધૂમ આવક

જણસી :રાજકોટમાં મગફળીની 50,000 ગુણી, કપાસની 28,000 મણ તથા મરચાની 4 હજાર ભારીની આપલેથી યાર્ડ છલોછલ : મગફળી-મરચાની આવકો બંધ કરાઇ

નવા વર્ષના પ્રારંભે જ સૌરાષ્ટ્રના વિવિધ યાર્ડોમાં મગફળી, કપાસ અને સૂકા મરચાની ધૂમ આવક થવા લાગી છે. સૌરાષ્ટ્રના અગ્રીમ હરોળના રાજકોટ માર્કેટ યાર્ડમાં આજે લાભ પાંચમના શુભ મુહૂર્તે મગફળી, કપાસ અને સુકા મરચાની ધૂમ આવકો થઇ હતી. યાર્ડના સંચાલકોએ મગફળી અને સુકા મરચાની બીજી જાહેરાત ન થાય ત્યાં સુધી આવકો બંધ કરવાની જાહેરાત કરી છે.

રાજકોટ (બેડી)માર્કેટ યાર્ડમાં લાભ પાચમ પૂર્વે ગત સાંજથી જ મગફળી, કપાસ, સુકા મરચા અને અનુયજણસી ભરેલા ૭૦૦થી વધુ વાહનોની કતારો લાગીહતી. યાર્ડના ચેરમેન જયેશભાઇ બોઘરા, તમામ ડીરેકટરો તથા યાર્ડના ટાફે ખડેપગે રહી વિવિધ જણસીઓની ઉતરાઈ કરાવી હતી.