ડેસરના વરણોલીમાં તસ્કર ટોળકીનો તરખાટ હુમલો કરી લૂંટ મચાવી, 4 મકાનોમાંથી ચોરી

રાત્રે ત્રાટકેલા તસ્કરોએ વૃદ્ધ દંપતી પર હુમલો કરી દાગીના સહિતની લૂંટ કરી

વડોદરા જિલ્લાના ડેસર તાલુકાના મોટી વરણોલી ગામમાં મોડી રાત્રે બુકાનીધારી તસ્કરો ત્રાટક્યા હતા. એક પછી એક ચાર મકાનોના તાળાં તોડી લાખ્ખોનો મુદ્દામાલ ચોરી-લૂંટી ફરાર થઇ ગયા હતા. જેમાં મળસ્કે તસ્કરોને ઘરમાં જોઇ જાગી ગયેલા દંપતિએ પડકાર ફેંકવાનો પ્રયાસ કરતા ટોળકીએ વૃધ્ધને ધક્કો મારી પાડી દીધા હતા. વૃધ્ધાનું ગળું દબાવી ચેઇને પહેરેલી કાનની બુટ્ટીઓની લૂંટ ચલાવી ફરાર થઇ ગયા હતા. આ બનાવે સમગ્ર પંથકમાં હાહાકાર મચાવી મૂક્યો હતો.