വായു മലിനീകരണം കൂടുതലുള്ള പത്ത് നഗരങ്ങളിൽ ബംഗളൂരുവും

എയർ ക്വാളിറ്റി ഇൻഡക്സിൽ ആറാംസ്ഥാനം

ബംഗളുരു: രാജ്യത്ത് വായുമലിനീകരണം ഏറ്റവും കൂടുതലുള്ള നഗരങ്ങളിൽ ബംഗളൂരുവും. തിങ്കളാഴ്ച രാവിലെ 7.30ന് ബംഗളൂരുവിന്റെ വായുമലിനീകരണ തോത് (എയർ ക്വാളിറ്റി ഇൻഡക്സ്-എ.ക്യു.ഐ) 101 ആണ്. ഇന്ത്യയിലെ ഏറ്റവും കൂടുതൽ മലിനീകരിക്കപ്പെട്ട നഗരങ്ങളിൽ ബംഗളൂരുവിന് ആറാംസ്ഥാനമാണുള്ളത്.

കേന്ദ്ര മലിനീകരണ ബോർഡിന്റെ കണക്കുപ്രകാരം എ.ക്യു.ഐ അളവ് 100 ആയാൽ സ്ഥിതി ഏറെ മോശമായെന്നാണ് പരിഗണിക്കുക. ആ ഘട്ടത്തിൽ അവിടങ്ങളിലെ ജനങ്ങൾക്ക് ശ്വസിക്കാനുള്ള ബുദ്ധിമുട്ടുകളടക്കം ആരോഗ്യപ്രയാസങ്ങൾ ഉണ്ടാകും.