ചെന്നൈയിൽ ഇനി ചതുരംഗ ദിനങ്ങൾ

ചെസ് ഒളിമ്പ്യാഡിന് ഇന്ന് തുടക്കം

ചെന്നൈ: ഇന്ത്യ ആദ്യമായി ആതിഥ്യമരുളുന്ന ചെസ് ഒളിമ്പ്യാഡിന് വ്യാഴാഴ്ച തുടക്കമാവും. ഒളിമ്പ്യാഡിന്റെ 44-ാം പതിപ്പിനാണ് ചെന്ന വേദിയാവുന്നത്. നഗരത്തിൽ നിന്ന് 58 കി.മീ. ദൂരത്തുള്ള മാമല്ലാപുരത്തെ ഷെറാട്ടൺ ഫോർ പോയന്റ്സ് ഹോട്ടലിൽ തയാറാക്കിയ വേദിയിലാണ് മത്സരങ്ങൾ. അടുത്ത മാസം 10 വരെ ഒളിമ്പ്യാഡ് നീളും.

മത്സരരംഗത്ത് സജീവമാണെങ്കിലും ഇന്ത്യയുടെ ഇതിഹാസതാരം വിശ്വനാഥൻ ആനന്ദ് വിട്ടുനിൽക്കുന്ന ഒളിമ്പ്യാഡിൽ ലോക ചാമ്പ്യൻ മാഗ്നസ് കാൾസൺ പങ്കെടുക്കും.