ബംഗളുരു-മൈസൂരു എക്സ്പ്രസ് വേ ഒക്ടോബർ 20ഓടെ തുറക്കും

യാത്രാസമയം മൂന്നുമണിക്കൂറിൽ നിന്ന് 90 മിനിറ്റായി കുറയും ഔദ്യോഗിക ഉദ്ഘാടനം നീളും

ബംഗളൂരു: കാത്തിരിപ്പിനൊടുവിൽ ആ വാർത്തയെത്തി. ബംഗളുരു-മൈസൂരു എക്സ്പ്രസ് വേ ഒക്ടോബർ 20ഓടെ പൊതുജനങ്ങൾക്കായി തുറന്നുകൊടുക്കുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി പറഞ്ഞു.

80 ശതമാനത്തിനടുത്ത് പ്രവൃത്തികൾ പൂർത്തിയായിക്കഴിഞ്ഞു. ദക്ഷിണ കന്നട എം.പി നളിൻകുമാർ കട്ടീലിന്റെ ചോദ്യത്തിന് മറുപടിയായാണ് പാർലമെന്റിൽ മന്ത്രി ഇത് പറഞ്ഞത്. മൈസൂരു മുതൽ നിദഗട്ട (മദ്ദറിന് സമീപം) വരെയുള്ള ഭാഗം സെപ്റ്റംബർ ആദ്യത്തിൽ പൂർത്തിയാകും.