നട്ടംതിരിഞ്ഞ് യാത്രക്കാർ ഡ്യൂട്ടിയില്ലാതെ ജീവനക്കാർ

കെ.എസ്.ആർ.ടി.സി ഡീസൽ ക്ഷാമം ശനിയാഴ്ച ജില്ലയിൽ റദ്ദാക്കിയത് 85 സർവിസുകൾ ഗ്രാമീണ സർവിസുകൾ വെട്ടിച്ചുരുക്കിയത് ദുരിതമായി

കൽപറ്റ/മാനന്തവാടി: ഡീസൽ ക്ഷാമത്തെതുടർന്ന് ജില്ലയിലെ വിവിധ ഭാഗങ്ങളിലേക്കുള്ള കെ.എസ്.ആർ.ടി.സി ഓർഡിനറി സർവിസുകളിൽ ഭൂരിഭാഗവും റദ്ദാക്കിയത് ജനത്തിന് ഇരുട്ടടിയായി. അധികൃതരുടെ പിടിപ്പുകേടുമൂലം ഡീസലെത്താത്തതിനാൽ സർവിസ് നടത്താനാകാതെ ജില്ലയിലെ മൂന്നു ഡിപ്പോകളിലെ ജീവനക്കാരും കൃത്യമായി ഡ്യൂട്ടി പോലും എടുക്കാനാകാതെ നിസ്സഹായരായിരിക്കുകയാണ്. അത്യാവശ്യമുള്ള ഡീസലു കൊണ്ട് ഓർഡിനറി സർവിസുകൾ പേരിനു മാത്രം ഓടിച്ചും ദീർഘദൂര സർവിസുകൾ അത്യാവശ്യം ഓടിച്ചുമാണ് ഇപ്പോൾ കാര്യങ്ങൾ മുന്നോട്ടുപോകുന്നത്.