ബൗളർമാരെ കാണാതായെന്ന് ക്യാപ്റ്റൻ

ഓസീസിനെതിരെ ആദ്യ ട്വൻറി20 തോൽവി 

ന്യൂഡൽഹി: ആദ്യം ബാറ്റുചെയ്ത് 200 എന്ന കൂറ്റൻ സ്കോർ അടിച്ചെടുത്തിട്ടും നാലു പന്ത് ശേഷിക്കെ ഓസീസ് കളി ചുരുട്ടിക്കൂട്ടിയ ആദ്യ ട്വൻറി20യെ കുറിച്ച് ന്യായീകരിക്കാനില്ലാതെ ഇന്ത്യൻ നായകൻ രോഹിത് ശർമ. ബൗളർമാർ ചിത്രത്തിലില്ലാതായതാണ് പരാജയം വിളിച്ചു വരുത്തിയതെന്ന് അദ്ദേഹം പറയുന്നു. ട്വന്റി20 പരമ്പരയിലെ ആദ്യ കളിയിൽ ഭുവനേശ്വർ കുമാർ നാലോവറിൽ വഴങ്ങിയത് 52 റൺസ്. ഹർഷൽ പട്ടേൽ 49 റൺസ്. യുവേന്ദ്ര ചഹൽ 3.2 ഓവറിൽ 42ഉം വിട്ടുനൽകി. മനോഹരമായി കളിച്ച അക്സർ പട്ടേൽ 17 റൺസ് മാത്രം വഴങ്ങി മൂന്നു വിക്കറ്റ് വീഴ്ത്തിയെങ്കിലും ഓസീസിന് മുന്നിൽ അത് വെല്ലുവിളിയായതേയില്ല.