ചുണങ്ങ്

കൃത്യമായ ചികിത്സ തേടാം

- ഡോ. ലക്ഷ്മി വള്ളിയിൽ MBBS, MD, Consultant Dermatologist & Cosmetologist

ചർമത്തെ ബാധിക്കുന്ന ഫംഗൽ അണുബാധയാണ് ചുണങ്ങ്, വെള്ള, കറുപ്പ്, തവിട്ട് എന്നിങ്ങനെ വ്യത്യസ്ത നിറങ്ങളിൽ കാണപ്പെടുന്നതിനാൽ ടീനിയ വെഴ്സികൊളാർ (Tinea versicolor) അഥവാ പിറ്റിരിയാസിസ് വെഴ്സികൊളാർ (Pityriasis versicolor) എന്നാണ് ഈ അവസ്ഥ അറിയപ്പെടുന്നത്. ചർമത്തിന്റെ ഉപരിതലത്തിൽ സാധാരണ കാണപ്പെടുന്ന ഒരു തരം ഫംഗസാണ് ചുണങ്ങിന് കാരണമാകുന്നത്. കാലാവസ്ഥ വ്യതിയാനങ്ങൾ, അമിത വിയർപ്പ്, വൃത്തിക്കുറവ്, കുറഞ്ഞ പ്രതിരോധ ശേഷി തുടങ്ങി വിവിധ കാരണങ്ങളാലാണ് ശരീരത്തിൽ ചുണങ്ങ് രൂപപ്പെടുന്നത്. കുഞ്ഞുങ്ങൾ മുതൽ പ്രായമായവരിൽ വരെ ചുണങ്ങ് കണ്ടുവരുന്നു. എന്നാൽ, കൗമാരപ്രായക്കാരിലും യുവാക്കളിലുമാണ് ഈ അവസ്ഥ കൂടുതലായി കണ്ടു വരുന്നത്.