ഗർഭഛിദ്രം സ്ത്രീയുടെ അവകാശം

സുരക്ഷിതവും നിയമപരവുമായ ഗർഭഛിദ്രത്തിന് സ്ത്രീക്ക് സ്വാതന്ത്ര്യമുണ്ടെന്ന് സുപ്രീംകോടതി

- തൻവീർ അഹമദ്

ന്യൂഡൽഹി: ഗർഭം ധരിച്ച് 20 - 24 ആഴ്ചക്കുള്ളിൽ സുരക്ഷിതവും നിയമാനുസൃതവുമായ ഗർഭഛിദ്രത്തിന് സ്ത്രീക്ക് അവകാശമുണ്ടെന്ന് സുപ്രീംകോടതി. ഇക്കാര്യത്തിൽ വിവാഹിതരെന്നോ അവിവാഹിതരെന്നോ വേർതിരിവില്ല.

ഭ്രൂണം വളരുന്നത് സ്ത്രീയുടെ ഗർഭപാത്രത്തിലാണ്. ഗർഭഛിദ്രം നടത്തണോ എന്നു തീരുമാനിക്കാനുള്ള അവകാശവും അവർക്കാണ്. നിയമാനുസൃതം വിവാഹിതരാകാതെ ഒരുമിച്ച് താമസിക്കുന്നതിലൂടെ ഗർഭംധരിക്കുന്ന സ്ത്രീകളെ ഗർഭഛിദ്ര നിയമത്തിൽ നിന്ന് ഒഴിവാക്കുന്നത് ഭരണഘടനവിരുദ്ധമാണ്. ആഗ്രഹമില്ലാതെ നടന്ന ഗർഭധാരണം പൂർണ കാലയളവിൽ തുടരണമെന്ന് ഭരണകൂടത്തിന്  നിർബന്ധിക്കാനാകില്ലെന്നും ജസ്റ്റിസ് ഡി.വൈ. ചന്ദ്ര ചൂഡ് അധ്യക്ഷനായ മൂന്നംഗ ബെഞ്ച് വ്യക്തമാക്കി.