ഹീമോഫീലിയ അറിഞ്ഞിരിക്കാം ഇക്കാര്യങ്ങൾ

എക്സ് ക്രോമോസോമിലാണ് ഇവ അടങ്ങിയിട്ടുള്ളത്, ഇതിൽ ഏതെങ്കിലും തരത്തിലുള്ള ജനിതക വ്യതിയാനങ്ങൾ സംഭവിക്കുന്നതുമൂലം ഫാക്ടർ 8, ഫാക്ടർ 9 എന്നിവയുടെ അളവ് ഗണ്യമായി കുറയുന്നത് രോഗാവസ്ഥയിലേക്ക് നയിക്കും.

- ഡോ. ഹിദ ദിൽജിത് MD... DM Clinical Homatology

ആവശ്യ ഘട്ടങ്ങളിൽ രക്തം കട്ടപിടിക്കാതിരിക്കുകയും അമിത രക്തസ്രാവം ഉണ്ടാവുകയും ചെയ്യുന്ന അവസ്ഥയാണ് ഹീമോഫീലിയ. ശരീരത്തിൽ രക്തം കട്ടപിടിക്കുന്നതിന് ആവശ്യമായ ഫാക്ടർ 8, ഫാക്ടർ 9 എന്നീ പ്രോട്ടീനുകളുടെ കുറവുമൂലമാണ് രക്തം കട്ടപിടിക്കാത്ത അവസ്ഥയുണ്ടാകുന്നത്. ഇത് രക്തസ്രാവത്തിന് കാരണമാകുകയും ദൈനംദിന ജീവിതത്തെപ്പോലും ദോഷകരമായി ബാധിക്കുകയും ചെയ്യും.

ഏതെങ്കിലും തരത്തിൽ ശരീരം മുറിയുന്നത് കാരണമോ അല്ലാതെയോ രക്തസ്രാവം ഉണ്ടാകാം. സാധാരണ 50 ശതമാനം മുതൽ 150 ശതമാനം വരെയാണ് ഫാക്ടർ 8, ഫാക്ടർ 9 എന്നിവ കണ്ടുവരാറുള്ളത്. എന്നാൽ, ഇത് 40 ശതമാനത്തിനും താഴെയാകുന്ന അവസ്ഥയാണ് ഹീമോഫീലിയ എന്നറിയപ്പെടുന്നത്. ഇത് വെറും ഒരു ശതമാനത്തിൽ താഴെയാണെങ്കിൽ ഗുരുതര രോഗാവസ്ഥയിലേക്ക് നയിക്കും. ഇവരിൽ മുറിവ് സംഭവിക്കാതെതന്നെ രക്തസ്രാവം സംഭവിക്കും.

ഫാക്ടർ 8, ഫാക്ടർ 9 എന്നിവയുടെ കുറവ് കാരണമുണ്ടാകു ന്ന ഈ രോഗാവസ്ഥ ജനിതകമായാണ് സാധാരണ ബാധിക്കാറുള്ളത്. ക്സ് ക്രോമോസോമിലാണ് ഇവ അടങ്ങിയിട്ടുള്ളത്, ഇതിൽ ഏതെങ്കിലും തരത്തിലുള്ള ജനിതക വ്യതിയാനങ്ങൾ സംഭവിക്കുന്നതുമൂലം ഫാക്ടർ 8, ഫാക്ടർ 9 എന്നിവയുടെ അളവ് ഗണ്യമായി കുറയുന്നത് രോഗാവസ്ഥയിലേക്ക് നയിക്കും. ഹീമോ ഫീലിയ ടൈപ്പ് A, ടൈപ്പ് B എന്നിങ്ങനെ രണ്ട് വിഭാഗമുണ്ട്.

ലക്ഷണങ്ങൾ