ചൈനയിലേക്കുള്ള സമുദ്രോൽപന്ന കയറ്റുമതി പ്രതിസന്ധിയിൽ

ചൈനയുടെ നിലപാട് രാജ്യത്തെയാകെ ബാധിക്കുമെങ്കിലും ഏറ്റവും വലിയ തിരിച്ചടി കേരളത്തിന്

- സലിം പാടത്ത്

ബേപ്പൂർ: ചൈനയിൽ മത്സ്യം ഇറക്കുമതി ചെയ്യുന്നതിന് നിയന്ത്രണങ്ങൾ കർശനമാക്കിയതോടെ സമുദ്രോൽപന്ന കയറ്റുമതി പ്രതിസന്ധിയിൽ. ചൈനയിലെത്തിച്ച ആയിരക്കണക്കിന് ടൺ സമുദ്രോൽപന്നങ്ങളുടെ വില വെട്ടിക്കുറക്കുന്നതും ഗുണനില വാര പരിശോധനകൾക്കുശേഷം ചരക്കുകൾ തടഞ്ഞുവെക്കുന്നതും വ്യാപാരികൾക്ക് തിരിച്ചടിയായി. ചൈനയിൽ കോവിഡ് നിയന്ത്രണം കർശനമായി ഇപ്പോഴും തുടരുന്നതിനാൽ, ഇറക്കുമതി ചെയ്യുന്ന മത്സ്യത്തിന്റെ ഗുണനിലവാര പരിശോധന പതിവിലും കൂടുതലാണ്. ഇതോടെ കോടികളുടെ വനാമി ചെമ്മീനാണ് (വളർത്തു ചെമ്മീൻ കയറ്റുമതി സ്ഥാപനങ്ങളിൽ കെട്ടിക്കിടക്കുന്നത്.