3000 പേർക്കെതിരെ കേസെടുത്തത് കേസ് സ്ത്രീകളും കുട്ടികളും ഉൾപ്പെടെയുള്ളവർക്കെതിരെ

വിഴിഞ്ഞം പൊലീസ് സ്റ്റേഷൻ ആക്രമണം

തിരുവനന്തപുരം: വിഴിഞ്ഞം പൊലീസ് സ്റ്റേഷൻ ആക്രമണവുമായി ബന്ധപ്പെട്ട് കടുത്ത നടപടിയുമായി പൊലീസ്. സ്ത്രീകളും കുട്ടികളുമടക്കം കണ്ടാലറിയാവുന്ന 3000 പേർക്കെതിരെ കൊലപാതക ശ്രമം ഉൾപ്പെടെ ഗുരുതരവകുപ്പുകൾ ചുമത്തി എഫ്.ഐ.ആർ രജിസ്റ്റർ ചെയ്തു. 85 ലക്ഷം രൂപയുടെ നാശ നഷ്ടമാണ് പ്രാഥമികമായി കണക്കാക്കിയിരിക്കുന്നത്. ശനിയാഴ്ച നടന്ന അക്രമസംഭവങ്ങളുമായി ബന്ധപ്പെട്ട് ഏഴാം പ്രതി സെൽട്ടൺ അടക്കം ആറുപേരെ പൊലീസ് കസ്റ്റഡിയിലെടുത്തിരുന്നു.