പേഓഫിനരികെ ഗുജറാത്ത്

രാജസ്ഥാൻ റോയൽസി നെ ഒമ്പത് വിക്കറ്റിന് തകർത്ത ഗുജറാത്ത് ടൈറ്റൻസിന് 14 പോയന്റ് റാഷിദ് ഖാന് മൂന്നും നൂർ അഹ്മദിന് രണ്ടും വിക്കറ്റ്

ജയ്പൂർ: ഐ.പി.എല്ലിൽ കുതിപ്പ് തുടരുന്ന നിലവിലെ ജേതാക്കളായ ഗുജറാത്ത് ടൈറ്റൻസ് പ്ലേ ഓഫിനരികെ. 10 മത്സരങ്ങളിൽ ഏഴാം വിജയവുമായി ഹർദിക് പാണ്ഡ്യയുടെ ടീം പോയന്റ് നേട്ടം 14 ആക്കിയുയർത്തി. രാജസ്ഥാൻ റോയൽസിനെ ഒമ്പതു വിക്കറ്റിനാണ് ഗുജറാത്ത് തകർത്തത്. ടോസ് നേടി ബാറ്റിങ് തെരഞ്ഞെടുത്ത രാജസ്ഥാനെ ഗുജറാത്ത് ബൗളർമാർ എറിഞ്ഞാതുക്കുകയായിരുന്നു. 17.5 ഓവറിൽ 118 റൺസിന് ഓൾഔട്ടാവുകയായിരുന്നു രാജസ്ഥാൻ, ചെറിയ ലക്ഷ്യത്തിലേക്ക് പാഡു കെട്ടിയിറങ്ങിയ ഗുജറാത്ത് അനായാസം ലക്ഷ്യത്തിലേക്ക് കുതിച്ചു. 13.5 ഓവറിൽ ഒരു വിക്കറ്റ് മാത്രം നഷ്ടത്തിലാണ് ഗുജറാത്ത് ജയത്തിലെത്തിയത്.