അർജുൻ, ഒഴുകിത്തീരാത്ത ഓർമ

വീടിനരികിലൊരുക്കി യ ചിതക്ക് സഹോദര ൻ തീകൊളുത്തി നിറകണ്ണോടെ ജനം

- എ. ബിജുനാഥ്

കോഴിക്കോട്: വീടിനരികിലൊരുക്കിയ ചിതയിലെരിഞ്ഞ അർജുൻ അണയാത്ത ഓർമയായി. ഷിരൂരിൽ മണ്ണിടിഞ്ഞുണ്ടായ അപകടത്തിനുശേഷം 71-ാം ദി വസം ഗംഗാവാലി പുഴയിൽ നിന്ന് കണ്ടെത്തിയ അർജുന്റെ ഭൗതികശരീരം രാവിലെ എട്ടുമണിയോടെയാണ് കണ്ണാടിക്കലിൽ എത്തിച്ചത്. കഴിഞ്ഞ ജൂലൈ എട്ടിന് കുടുംബാംഗങ്ങളെയും നാട്ടുകാരെയും ചിരിപ്പിച്ച് കടന്നുപോയ അർജുൻ ചേതനയറ്റ ശരീരമായി ശനിയാഴ്ച രാവിലെ കണ്ണാടിക്കൽ മൂലാടിക്കുഴിയിലെ വീട്ടിലേക്ക് തിരിച്ചെത്തിയപ്പോൾ നാട് കണ്ണീരിൽ കുതിർന്നു. ആയിരങ്ങളാണ് വീട്ടിലേക്ക് ഒഴുകിയെത്തിയത്.