സിൽവർ ലൈൻ, ശബരി പാത പുനരാലോചനയില്ല

മുഖ്യമന്ത്രിയുടെ സന്ദർശന ശേഷം നിലപാട് വ്യക്തമാക്കി റെയിൽവേ മന്ത്രി അശ്വിനി വൈഷ്ണവ്

- ഹസനുൽ ബന്ന

ന്യൂഡൽഹി: മുഖ്യമന്ത്രി പിണറായി വിജയൻ നടത്തിയ കൂടിക്കാഴ്ചക്ക് ശേഷവും സിൽവർ ലൈനിലും ശബരി റെയിൽ പാതയിലും കേന്ദ്ര സർക്കാർ നിലപാടിൽ പുനരാലോചനയില്ലെന്ന് കേന്ദ്ര റെയിൽ വേ മന്ത്രി അശ്വിനി വൈഷ്ണവ്. ഇതടക്കം കേരളത്തിന്റെ റെയിൽവേ പദ്ധതികളുമായി ബന്ധപ്പെട്ട കേന്ദ്ര സർക്കാറിന്റെ നിലപാട് കൂടിക്കാഴ്ചയിൽ കേരള മുഖ്യമന്ത്രിയോട് വ്യക്തമാക്കിയെന്നും അശ്വിനി വൈഷ്ണവ്'മാധ്യമ'ത്തോട് പറഞ്ഞു. കേരളത്തിന്റെ റെയിൽവേ പദ്ധതികളുമായി ബന്ധപ്പെട്ട് പരസ്യമായും സ്വകാര്യമായും ഒന്നേ പറയാനുള്ളൂവെന്നും മന്ത്രി വിശദീകരിച്ചു.