പിടിമുറുക്കാൻ സഞ്ജുപ്പട

ഇന്ത്യ- ദക്ഷിണാഫ്രിക്ക രണ്ടാം ട്വന്റി20 ഇന്ന്

കേപ് ടൗൺ: വൻ തോക്കുകളെ നാട്ടിലാക്കി പ്രോട്ടീസ് മണ്ണിൽ കുട്ടി ക്രിക്കറ്റ് കളിക്കാനെത്തിയ യുവ നിര ഇന്ന് വീണ്ടും ഇറങ്ങുന്നു. ദക്ഷിണാഫ്രിക്കക്കെതിരായ ട്വന്റി20 പരമ്പരയിലെ രണ്ടാം മത്സരത്തിനാണ് സഞ്ജു നയിക്കുന്ന ബാറ്റിങ്ങിൽ പ്രതീക്ഷയോടെ ടീം ഇന്ത്യ പാഡുകെട്ടുന്നത്. ആദ്യ മത്സരത്തിൽ ഇന്ത്യ 61 റൺസിന്റെ തകർപ്പൻ ജയം കുറിച്ചിരുന്നു. 50 പന്തിൽ 107 റൺസെടുത്ത് ആധികാരികമായി ബാറ്റുവീശിയ സഞ്ജു ഒരു പിടി റെക്കോഡുകൾ സ്വന്തമാക്കിയാണ് വെള്ളിയാഴ്ച കളി തന്റേതാക്കിയത്.