சென்னை அண்ணாசாலையில் மழைநீர் வடிகால் துவாரம் திறந்தே காணப்படும் நிலை!

எழும்பூர் தமிழ்ச்சாலையில் புதைவிட மின்கம்பியால் ஆபத்து!!

வடகிழக்கு பருவமழை தீவிரம் அடைந்துள்ள நிலையில் சென்னை அண்ணாசாலையில் மழைநீர் வடிகால் மூடி உடைந்து காணப்படுவதால், வாகன ஓட்டிகள் மற்றும் பாதசாரிகள் விபத்தில் சிக்கும் அபாயம் உள்ளது.

தமிழகத்தில் கடந்த ஒரு வாரமாக பரவலாக மழை பெய்து வருவதை பார்க்க முடிகிறது. இந்த நிலையில் வங்கக்கடலில் நிலவும் மேலடுக்கு சுழற்சி, தெற்கு வங்கக்கடலின் மத்திய பகுதியில் காற்றழுத்த தாழ்வு பகுதியாக இன்று உருவானது.

இது தொடர்ந்து வலுப்பெற்று மேற்கு வடமேற்கு திசையில் நகர்ந்து, நாளை, நாளைமறுதினம் புதுச்சேரி, தமிழகத்தின் வடமாவட்டங்கள், தெற்கு ஆந்திர கடற்கரை பகுதிகளில் நிலவக்கூடும்.

இதன் காரணமாக இன்று முதல் அடுத்த 4 நாட்களுக்கு தமிழ்நாடு, புதுச்சேரி, காரைக்காலில் மழை தொடரும் என வானிலை ஆய்வு மையம் தெரிவித்துள்ளது.