காவிரி-வைகை -வைகை-குண்டாறு இணைப்புப் பணிகளை விரைந்து முடிக்க நடவடிக்கை!

காவிரி-வைகை-குண்டாறு இணைப்புப் பணிகளை விரைந்து முடிக்க நடவடிக்கை எடுக்கப்படும் என்று முதல்வர் மு.க. ஸ்டாலின் கூறினார்.

பசும்பொன்னில் முத்துராமலிங்கத் தேவரின் நினைவு இடத்தில் மாலை அணிவித்து மரியாதை செய்தபின் முதலமைச்சர் மு.க. ஸ்டாலின் பேட்டியளித்தார்.

அப்போது அவர் கூறியதாவது:

இந்திய விடுதலைப் போருக்காக தன்னையே ஒப்படைத்துக்கொண்டு உழைத்த பசும்பொன் முத்துராமலிங்கத் தேவர் திருமகனார் அவர்களின் நினைவிடத்தில் இன்றைய தினம் நான் மரியாதை செலுத்தி இருக்கிறேன்.

"அன்றைய அறம் வளர்த்த பாண்டிய மன்னர்களின் ஒருமித்த இளவல்போன்று, கம்பீரமாகக் காட்சி அளித்தார் தேவர் திருமகன்” என்று பேரறிஞர் அண்ணா அவரைப் பாராட்டியிருக்கிறார்.

"வீரராக பிறந்தார்; வீரராக வாழ்ந்தார்; வீரராக மறைந்தார்; மறைவுக்குப் பிறகும் வீரராக போற்றப்படுகிறார்" என்று தலைவர் கலைஞர் அவர்கள் அவரைப்பற்றி புகழ்ந்து பேசியிருக்கிறார்.

அத்தகைய தியாகியை போற்றும் அரசாக, திராவிட முன்னேற்றக் கழக அரசு செயல்பட்டுவருகிறது என்பது அனைவருக்கும் நன்றாகத் தெரியும்.