திராவிடம்தான் இந்தித்திணிப்பை எதிர்த்தது: தமிழ்த் தேசியம் பேசுவது ஏமாற்று அரசியல் ஆகும்!

திருமாவளவன் பேச்சு!!

மாவீரர் நாளை முன்னிட்டு விடுதலைப்புலிகள் கட்சி சார்பில் சென்னை அசோக் நகரில் உள்ள கட்சியின் தலைமை அலுவலகத்தில் வி.சி.கதலைவர் தொல். திருமாவளவன், நினைவேந்தல் நிகழ்ச்சியில் ஈழப்போராளிகளுக்கு வீரவணக்கம் செலுத்தும் வகையில் ஈகை சுடர் ஏற்றி மவுன அஞ்சலி செலுத்தினார். பின்னர் தொல்.திருமாவளவன் பேசியதாவது:

தமிழ்நாட்டில் திருமாவளவனை ஒரு சாதிக் கான தலைவர் என்று முத்திரை குத்தும் முயற்சிகளுக்கிடையே தமிழர்களுக்கான தலைவன் என்று அடையாளம் கண்டவர் மேதகு மாவீரன் பிரபாகரன். இன்று பிரபாகரன் உயிரோடு இல்லை என்பதற்காக வாய்க்கு வந்ததை எல்லாம் பேசி அரசியல் செய்து கொண்டிருக்கிறார்கள். மேதகு பிரபாகரன் கருத்தியல் ரீதியாகவும் தலைவர்களை அடையாளம் காணக்கூடியவர்.