‘யுஜிசி-நெட்' தேர்வு தேதியை மாற்றுங்கள்!

மத்திய அமைச்சருக்கு முதல்வர் மு.க. ஸ்டாலின் கடிதம்!!

பொங்கல் திருநாளில் நடத்தப்படுவதாக அறிவிக்கப்பட்டுள்ள 'யுஜிசி-நெட்' தேர்வு தேதியை மாற்றி அமைக்கவேண்டும் என மத்திய அமைச்சருக்கு முதல்வர் மு.க. ஸ்டாலின் கடிதம் எழுதியுள்ளார்.

பல்கலைக்கழகங்கள் மற்றும் கல்லூரிகளில் உதவிப் பேராசிரியராக பணிநியமனம் பெறுவதற்கு 'யுஜிசி-நெட்' எனப்படும் தேசிய தகுதித்தேர்வு ஆண்டுக்கு இரண்டு முறை ஜூன் மற்றும் டிசம்பர் மாதங்களில் இணையவழி மூலம் நடத்தப்படுகிறது. இதில் வெற்றி பெறுபவர்கள் கல்லூரி மற்றும் பல்கலைக்கழகங்களில் உதவிப் பேராசிரியராக நியமனம் பெறுவதற்குத் தகுதி பெற்றவர்கள் ஆவர்.

அதற்கான தேர்வு வருகிற 13 முதல் 16-ஆம் தேதி வரை நாடு முழுவதும் நடத்தப்படும் என தேசிய தேர்வு முகமை அறிவித்துள்ளது.

தமிழ்நாட்டில் வருகிற 14 ஆம் தேதி பொங்கல் திருநாள் கொண்டாடப்படவுள்ளது. எனவே இந்த தேர்வுகளை வேறொரு நாளில் மாற்றியமைக்க வேண்டும் என முதலமைச்சர் மு.க. ஸ்டாலின் வலியுறுத்தியுள்ளார்.