உச்சபட்சதண்டனையை உறுதிசெய்வோம்

* சட்டசபையில் முதல்வர் ஸ்டாலின் பேச்சு 1* “பெண்களுக்கு எதிரான குற்றங்களை 1 இரும்புக் கரம் கொண்டு அடக்குவோம்”!

மாணவி பலாத்கார வழக்கில் 60 நாட்களுக்குள் குற்றப்பத்திரிகை தாக்கல் சிறப்புச் செய்யப்படும்; நீதிமன்றம் அமைத்து குற்றவாளிக்கு உச்சபட்ச தண்டனை கிடைப்பதை உறுதி செய்வோம்; இந்த வழக்கில் வேறு யார் சம்பந்தப்பட்டிருந்தாலும் தாட்சண்யம் இன்றி நடவடிக்கை எடுப்போம்; பெண்களுக்கு எதிரான குற்றங்களை இரும்புக்கரம் கொண்டு அடக்குவோம் என்று முதல்வர் மு.க.ஸ்டாலின் கூறினார்.

தமிழக சட்டசபையில் பல்கலைக்கழக மாணவி மீதான பாலியல் வன்கொடுமை குறித்து விவாதிக்க அ.தி.மு.க. சார்பில் ஒத்திவைப்புத் தீர்மானம் கொண்டு வரப்பட்டது. இதற்கு முதலமைச்சர் மு.க.ஸ்டாலின் பதிலளித்து கூறியதாவது: இங்கே கொண்டு வரப்பட்டிருக்கக்கூடிய ஈர்ப்புத் தீர்மானத்தில் பல்கலைக்கழகத்தினுடைய பெயரைச் சொல்லி நீங்கள் எல்லாம் பேசியிருக்கிறீர்கள். ஆனால், நான் அந்தப் பல்கலைக்கழகத்தின் பெயரைச் சொல்லி, அந்தப் பெயருக்கு ஒரு கலங்கத்தை ஏற்படுத்த விரும்பவில்லை.

ஏனென்றால், எங்களை எல்லாம் ஆளாக்கியவர் அவர். அந்த உணர்வோடு, அந்தப் பெயரைத் தவிர்த்து, இங்கே பதிலளிக்க விரும்புகிறேன்.

சென்னையில் ஒரு மாணவி மீது நடத்தப்பட்டிருக்கக்கூடிய பாலியல் வன்கொடுமை என்பது மாபெரும் கொடூரம். அதை யாராலும் நிச்சயமாக ஏற்றுக்கொள்ள முடியாது. இது குறித்து உண்மையான அக்கறையோடு உறுப்பினர்கள் பேசியிருக்கிறீர்கள். இதைப் பயன்படுத்தி இந்த ஆட்சியின் மீது தவறான எண்ணத்தை உருவாக்குவதற்காகவும் சில உறுப்பினர்கள் பேசியிருக்கின்றார்கள். சிலர் அல்ல; ஒரு உறுப்பினர் பேசியிருக்கிறார். யாருக்கு எந்த நோக்கம் இருந்தாலும், பாதிக்கப்பட்ட பெண் பக்கம் நின்று, அவருக்கு சட்டப்படி நியாயம் பெற்றுத் தரக்கூடிய காரியத்தைத் தவிர, தமிழ்நாடு அரசுக்கு வேறு எந்த நோக்கமும் இல்லை என்பதைத் தெளிவாக, உறுதியாக, ஆணித்தரமாக முதலிலேயே நான் சொல்லிக்கொள்ள விரும்புகிறேன்.