தமிழகத்தில் 20 இடங்களில் என்.ஐ.ஏ.சோதனை!

15 குழுக்களாக பிரிந்து அதிகாரிகள் நடவடிக்கை; மயிலாடுதுறையைச் சேர்ந்தவர் கைது!!

சென்னை மற்றும் சீர்காழியில் 20 இடங்களில் இன்று அதிகாலை மணி முதல் என்.ஐ.ஏ. சோதனை நடைபெறுகிறது. இதில் அதிகாரிகள் 15 குழுக்களாகப் பிரிந்து அதிரடி சோதனை நடத்தி வருகின்றனர்.

தீவிரவாதம், பயங்கரவாதம் உள்ளிட்டவைகளுக்கு ஆள்சேர்ப்பு, நிதி திரட்டுதல் உள்ளிட்ட குற்றங்களை தடுப்பதும், அச்செயல்களில் ஈடுபடுவோரை கைது செய்வதும் தேசிய புலனாய்வு அமைப்பு எனப்படும் என்.ஐ.ஏ.யின் பணியாகும். இந்நிலையில் தடை செய்யப்பட்ட பயங்கரவாத இயக்கத்துடன் தமிழ்நாட்டைச் சேர்ந்த சிலருக்கு தொடர்பு இருப்பதாக தேசிய புலனாய்வு முகமை அதிகாரிகளுக்கு (என்.ஐ.ஏ.) ரகசிய தகவல் கிடைத்தது. இதன் பேரில், தேசிய புலனாய்வு முகமை அதிகாரிகள் தமிழ்நாடு விரைந்தனர். தமிழ்நாடு வந்தடைந்த தேசிய புலனாய்வு முகமை அதிகாரிகள் இன்று அதிகாலை முதலே அதிரடி சோதனையில் ஈடுபட்டுள்ளனர்.