ബ്രിട്ടൻ ഋഷി ഭരണത്തിൽ

ദശകങ്ങൾക്കിടയിലെ ഏറ്റവുമുയർന്ന വലിയ പണപ്പെരുപ്പം നിയന്ത്രിക്കുക, ജനങ്ങളുടെ വാങ്ങൽശേഷി വർധിപ്പിച്ച് വിപണിയെ ഉണർത്തുക എന്നിവയാണു ഋഷിക്കു മുന്നിലുള്ള അടിയന്തരവെല്ലുവിളികൾ

ലണ്ടൻ: സാമ്പത്തികപ്രതിസന്ധിയിൽ നട്ടം തിരിയുന്ന ബ്രിട്ടന്റെ പ്രധാനമന്ത്രിയായി കൺസർവേറ്റീവ് പാർട്ടി നേതാവും ഇന്ത്യൻ വംശജനുമായ ഋഷി സുനക് (42) ചുമതലയേറ്റു. 

സ്ഥാനമേറ്റ് 45-ാം ദിവസം രാജിവച്ച ലിസ് ട്രസിന്റെ പിൻഗാമിയായാണു പാർട്ടിയേയും രാജ്യത്തെയും നയിക്കാൻ ഋഷി നിയുക്തനായത്. കൺസർവേറ്റീ പാർട്ടി നേതൃസ്ഥാനത്തേക്കുള്ള   സ്ഥാനാർഥിത്വത്തിൽനിന്നു മന്ത്രി ബോറിസ് മുൻ പ്രധാന ജോൺസൺ പിൻവാങ്ങുകയും ജനപ്രതിനിധിസഭാംഗം പെന്നി മോർഡന്റിനു മതിയായ പിന്തുണ ലഭിക്കാതിരിക്കുകയും ചെയ്തതോടെയാണു ബ്രിട്ടന്റെ ഭരണത്തലപ്പത്തേക്കു ഋഷിക്കു വഴിതെളിഞ്ഞത്. നിയമന ഉത്തരവിൽ ചാൾസ് മൂന്നാമൻ രാജാവ് ഇന്നലെ ഒപ്പു വച്ചു.

പ്രധാനമന്ത്രിമാരിലെ 'ബേബി'; ആദ്യഹിന്ദു