സൂപ്പർ കോച്ച്

കളിക്കാരെ വീണ്ടും വീണ്ടും സ്വപ്നങ്ങൾ കാണാൻ പ്രേരിപ്പിക്കുന്ന പരിശീലകനും കളത്തിൽ അത് നേടിയെടുക്കാൻ പോന്ന കളിക്കാരുമുള്ളപ്പോൾ ഒരു പക്ഷേ ഇനിയും അദ്ഭുതങ്ങൾ സൃഷ്ടിക്കാൻ മൊറോക്കോയ്ക്ക് കഴിഞ്ഞേക്കും.

ദോഹ: ഖത്തർ ലോകകപ്പിൽ മൊറോക്കോ സ്വപ്നസമാനമായ കുതിപ്പ് തുടരുമ്പോൾ എല്ലാവരും ഉറ്റുനോക്കുന്നത് അവ രുടെ കോച്ച് വാലിദ് റെഗാഗിയെയാണ്. സൂപ്പർ താരങ്ങൾ അണിനിരന്ന, സൂപ്പർ ടീ മുകളോട് മത്സരിക്കുമ്പോൾ മൊറോക്കോ ഒരിക്കൽപോലും പതറിയില്ല. ഒടുവിൽ പ്രീ -ക്വാർട്ടറിൽ സ്പെയിനിനെ ഷൂട്ടൗട്ടിൽ വീഴ്ത്തി അക്ഷരാർഥത്തിൽ ഖത്തറിലെ കറുത്ത കുതിരകളായി.

ഖത്തർ ലോകകപ്പ് പടിവാതിലിൽ മുട്ടിവിളിച്ചപ്പോഴാണ് റെഗാഗി മൊറോക്കോയു ഗാഗിടെ കോച്ചായത്. നവംബറിൽ ഖത്തറിൽ പന്തുരുളുമ്പോൾ, ഓഗസ്റ്റിലാണ് മൊറോക്കയിലേക്ക് വരുന്നത്. മറ്റൊരു പരിശീലകൻ പാതിവഴിയിൽ ഉപേക്ഷിച്ച് ഒരു ടീമിനെ ലോകകപ്പിന് തയാറാക്കുക ഏറെ ശ്രമകരമായ ജോലിയാണ് ഗാഗിയെ കാത്തിരുന്നത്. അതും ചുരുങ്ങിയ സമയത്തിനുള്ളിൽ. ഓഗസ്റ്റ് 31നാണ് ബോസ്നിയക്കാരനായ വാഹിദ് ഹലിലോദ്ജികിന് പകരമാണ് റെഗാഗി വരുന്നത്.