'హస్త'వాసి ఎవరు?

నేడు కాంగ్రెస్ అధ్యక్ష ఎన్నిక ఖర్గే, శశథరూర్కు మధ్య గట్టి పోటీ ఎవరు గెలుస్తారని సర్వత్రా ఆసక్తి మల్లికార్జున ఖర్గేకు గెలుపు అవకాశాలు ఎక్కువంటున్నరాజకీయ విశ్లేషకులు ఉదయం 10 గంటల నుంచి పోలింగ్ పోలింగ్కు ఏర్పాట్లు పూర్తి

నేడు కాంగ్రెస్ అధ్యక్ష ఎన్నిక

ఖర్గే, శశథరూర్కు మధ్య గట్టి పోటీ

ఎవరు గెలుస్తారని సర్వత్రా ఆసక్తి

మల్లికార్జున ఖర్గేకు గెలుపు అవకాశాలు

ఎక్కువంటున్నరాజకీయ విశ్లేషకులు

ఉదయం 10 గంటల నుంచి పోలింగ్

పోలింగ్కు ఏర్పాట్లు పూర్తి

కాంగ్రెస్ అధ్యక్ష ఎన్నికల కోసం అన్ని ఏర్పాట్లు పూర్తయ్యాయి. నేటి ఉదయం 10 గంటల నుంచి సాయంత్రం 4 గంటల వరకు పోలింగ్ జరగనుంది. ఈ మేరకు ఏఐసీసీ అన్ని ఏర్పాట్లు చేసింది. కాంగ్రెస్ అధ్యక్ష పదవి కోసం మల్లికార్జున్ ఖర్గే, శశిథరూర్ పోటీ పడుతున్నారు. ఈ మేరకు కాంగ్రెస్ దేశవ్యాప్తంగా 36 పోలింగ్ స్టేషన్లలో 67 పోలింగ్ బూత్ల ఏర్పాటు చేసింది. 9,300 మందికి పైగా ప్రతినిధులు పార్టీ కొత్త అధ్యక్షుడిని ఎన్నుకుంటారు. ప్రతి రాష్ట్రంలో అసెంబ్లీ నియోజకవర్గానికి ఇద్దరు చొప్పున ప్రతినిధులు ఓటు వేయనున్నారు. ఢిల్లీ, ముంబై లాంటి మెట్రో నగరాల్లో మున్సిపల్ సీటు ప్రాతిపదికన ప్రతినిధులను ఎంపిక చేశారు. ప్రతి పోలింగ్ బూత్ లో గరిష్టంగా 200 మంది ఓటు వేసే అవకాశం ఉంది. భారత్ జోడోయాత్రలో భాగంగా ప్రత్యేకంగా యాత్ర క్యాంపు వద్ద ఒక బూత్ ఏర్పాటు చేశారు. రాహుల్ గాంధీతో పాటు యాత్రలో ఉన్న ఏఐసీసీ నేతలు క్యాంపు బూత్లోనే ఓటు వేయనున్నారు.