ജലവൈദ്യുതോത്പാദനം ഉയർത്താൻ മാർഗരേഖയുമായി കേന്ദ്രം

സൗരോർജം പുറമേ നിന്ന് വാങ്ങേണ്ടി വരില്ലെന്നതാണ് കേരളത്തിനുണ്ടാകുന്ന ഒരു നേട്ടം

കൊച്ചി: ജലവൈദ്യുതോത്പാദനം ഉയർത്താൻ കേന്ദ്ര ഊർജമന്ത്രാലയം ഒരുങ്ങുന്നു. സംസ്ഥാനങ്ങള് നിശ്ചിത ശതമാനം സൗരോർജം വാങ്ങി ഉപയോഗിക്കണമെന്ന നിബന്ധന മാറ്റി. പകരം നിശ്ചിതശതമാനം ജലവൈദ്യുതി ഉപയോഗിക്കണമെന്നാണ് മന്ത്രാലയത്തിന്റെ പുതിയ മാർഗരേഖ. കേരളത്തിന് സാമ്പത്തികമായി ഏറെ പ്രയോജനം ചെയ്യുന്നതാണ് കേന്ദ്ര തീരുമാനം.

പുനരുപയോഗ ഊർജോപഭോഗം സംബന്ധിച്ച മാർഗരേഖയാണ് കേന്ദ്രം പുറത്തിറക്കിയത്. സംസ്ഥാനങ്ങളുടെ ആകെ ഉപഭോഗത്തിന്റെ നിശ്ചിത ശതമാനം സൗരോർജ വൈദ്യുതി ഉപയോഗിക്കണമെന്നായിരുന്നു നിലവിലെ രീതി. പുതിയ ഉത്തരവിൽ സൗരോർജത്തിനു പകരം ജല വൈദ്യുതി ഇടംപിടിച്ചു.