ഒല, ഉബർ മാതൃകയിൽ സഹകരണ ടാക്സി വരുന്നു

ഇടനിലക്കാരെ ഒഴിവാക്കി ലാഭവിഹിതം ഡ്രൈവർമാരിലേക്ക് നേരിട്ട് എത്തുന്ന രീതിയിലാവും പ്രവർത്തനം

ന്യൂഡൽഹി: സഹകരണമേഖലയിൽ ഒല, ഉബർ മാതൃകയിൽ ടാക്സി വാഹന സർവീസുകൾ ആരംഭിക്കാൻ കേന്ദ്രസർക്കാർ. സഹകരണവകുപ്പിന്റെ ചുമതലയുള്ള ആഭ്യന്തരമന്ത്രി അമിത് ഷായാണ് കഴിഞ്ഞദിവസം പാർലമെന്റിനെ ഇക്കാര്യം അറിയിച്ചത്. ഗുജറാത്ത് കേന്ദ്രീകരിച്ച് രാജ്യത്തെ ആദ്യത്തെ സഹകരണ സർവകലാശാല സ്ഥാപിക്കുന്നതിന് വ്യവസ്ഥചെയ്യുന്ന ബില്ലിനെക്കുറിച്ചുള്ള ചർച്ചയ്ക്ക് മറുപടി നൽകുകയായിരുന്നു അദ്ദേഹം.