મુંબઈમાં બેસ્ટની બસે ૫૦ લોકોને કચડી નાખ્યાઃ સાતના મોત, ૪૩થી વધુ ઘાયલ

આરોપી ડ્રાઈવર સંજય મોરે સોમવારે પહેલી જ વાર બસ ચલાવી રહ્યો હતો

દેશની આર્થિક રાજધાની મુંબઈમાં ગત રાતે એક હૃદયદ્રાવક અકસ્માત સર્જાયો હતો. સોમવારે રાત્રે મુંબઈના કુર્લામાં બેસ્ટની બસે ૫૦ જેટલા લોકોને કચડી નાખ્યા હતા. આ અકસ્માતમાં અત્યાર સુધીમાં સાત લોકોનાં મોત થયાં છે. હાલ ૪૩થી વધુ ઘાયલોની હોસ્પિટલમાં સારવાર ચાલી રહી છે. તેમને સાયન અને કુર્લા ભાભા હોસ્પિટલમાં દાખલ કરવામાં આવ્યા છે.