વેજલપુર પોલીસચોકી પાસેથી અમૂલની ગાડીમાંથી દૂધનાં ૧૯ કેરેટની ઉઠાંતરી

રાતના નવ વાગ્યાથી ત્રણ વાગ્યા સુધીમાં ચોર દૂધતાં કેરેટની ચોરી કરીને નાસી ગયાઃ પોલીસે તપાસ શરૂ કરી

વેજલપુર પોલીસચોકી પાસે ઊભેલી અમૂલની ગાડીમાંથી દૂધનાં ૧૯ કેરેટની ચોરી થતાં મામલો પોલીસ સ્ટેશન સુધી પહોંચ્યો છે. ડ્રાઇવર ગાડી પાર્ક કરીને જમવા માટે ગયો હતો. ત્યાર બાદ થોડો આરામ કરીને દૂધની ડિલિવરી કરવા માટે રાતના ત્રણ વાગ્યે ઊઠ્યો હતો. ડ્રાઇવર જ્યારે ગાડી પાસે આવ્યો ત્યારે તેણે દૂધનાં કેરેટની ગણતરી કરી હતી, જેમાં ૧૯ કેરેટ ઓછાં હતાં. વેજલપુર પોલીસે આ મામલે ગુનો નોંધીને તપાસ શરૂ કરી છે.