பயணத்தை மாற்றினால் “மீண்டும் வரிசை யுகம்"

ஜணாதிபதி ரணில் விக்ரமசிங்க எச்சரிக்கை

ஜனாதிபதித் தேர்தலில் நாட்டின் வெற்றி தோல்வியே தீர்மானிக்கப்படும்

வெற்றிக்கான வேறு வேலைத் திட்டங்கள் இல்லை

பயணத்தை மாற்றினால் மீண்டும் வரிசை யுகம்

முன்னேற்ற வேலைத்திட்டம் எந்த தரப்பிடமும் இல்லை

கடந்த கால அரசியல் தவறுகளை மீண்டும் செய்யக்கூடாது

அடுத்த ஜனாதிபதித் தேர்தலில் தனது தனிப்பட்ட வெற்றி, தோல்வி தீர்மானிக்கப்படாது என்றும் மாறாக நாட்டின் வெற்றி, தோல்வியே தீர்மானிக்கப்படும் என்றும் ஜனாதிபதி ரணில் விக்ரமசிங்க தெரிவித்தார்.

அரசாங்கத்தின் வேலைத் திட்டத்தின் கீழ், நாட்டை முன்னோக்கிக் கொண்டு செல்லமுடியும் என்ற திருப்தி மக்களுக்கு இருக்குமாயின் அந்த வேலைத்திட்டத்துடன் முன்னேறிச் செல்ல முடியும் என்றும், அவ்வாறு இல்லாவிட்டால், நாட்டு மக்கள் மீண்டும் மருந்து, உரம், எரிவாயு, எரிபொருள் வரிசைகளில் நிற்க நேரிடும் என்றும் ஜனாதிபதி சுட்டிக்காட்டினார்.

பத்தரமுல்லை வோடர்ஸ் எட்ஜ் ஹோட்டலில் செவ்வாய்க்கிழமை(11) நடைபெற்ற பொருளாதார மறுசீரமைப்புக்கான பாராளுமன்ற துறைசார் மேற்பார்வை குழுவில் பங்கேற்கும் இனைஞர், யுவதிகளுடனான கலந்துரையாடலின் போதே ஜனாதிபதி இதனைத் தெரிவித்தார்.

இன்று அரசியல் மேடைகளில் பல்வேறுபட்ட வாக்குறுதிகளை வழங்கும் குழுவினரிடம் நாட்டின் முன்னேற்றத்திற்கான எந்தவொரு நடைமுறைச் சாத்தியமான வேலைத் திட்டமும் இல்லையென கட்டிக்காட்டிய ஜனாதிபதி, தேர்தல்களின் போது நபர்களைப் பார்த்து தீர்மானம் எடுக்கும் கடந்த கால அரசியல் தவறுகளை மீண்டும் செய்ய வேண்டாமெனவும் கேட்டுக்கொண்டார்.