"எம்மையும் தூக்கி போடாமல் இருந்தால் சரி"

முன்னாள் ஜனாதிபதி கோட்டபாய ராஜபக்ஷ அரசாங்கம் அமைக்கும் போது அவருக்கு ஒத்துழைப்பு வழங்கிய அனைத்து கட்சிகளும் இல்லாமல் போய்விட்டன. நாட்டை மீட்டெடுத்த முன்னாள் ஜனாதிபதி ரணிலை மக்கள் தூக்கி வீசி விட்டார்கள், அதேபோல் எம்மையும் தூக்கி போடாமல் இருந்தால் சரி என இலங்கை தொழிலாளர் காங்கிரஸின் பொதுச் செயலாளரும் நுவரெலியா மாவட்ட வேட்பாளருமான ஜீவன் தொண்டமான் தெரிவித்துள்ளார்.

நாட்டில் உள்ள மீனவர்களுக்கும் விவசாயிகளுக்கும் சலுகைகளை வழங்கிய புதிய ஜனாதிபதி அனுரகுமார திசாநாயக்க, பெருந்தோட்ட தொழிலாளர்களுக்கு எவ்வித சலுகைகளையும் ஏன்? வழங்கவில்லை என்றும் கேள்வியெழுப்பிய அவர், வாக்குகளுக்காக, இலங்கை தொழிலாளர் காங்கிரஸ் தொடர்பில், ஒரு தவறான வதந்திகளை பரப்பாது.

வேலைத்திட்டங்களை முன்னெடுங்கள் எனக் கேட்டுக்கொண்டார்.